अनलाइनखबर, ८ असार २०७४
सरकारले दोस्रो चरणको निर्वाचन हुने ३५ जिल्लामा असार १४ गते सार्वजनिक विदा दिएको छ ।
मन्त्रिपरिषद्को बिहीबार बसेको बैठकले निर्वाचन आयोगको सिफारिस अनुसार मतदान हुने दिन सार्वजनिक विदा दिने निर्णय गरेको हो ।
प्रदेश नम्बर १, ५ र ७ मा १४ गते मतदान हुँदैछ ।
यस्तै तीन वटा प्रदेशमा असार ११ देखि १४ गतेसम्म चार दिन शिक्षण संस्थाहरुमा विदा दिइएको गृह मन्त्रालयले जनाएको छ ।
शिक्षण संस्थाहरुमा मतदान केन्द्र राखिएको छ । त्यसैले आयोगले शिक्षण संस्थाहरुमा चार दिन विदा दिन आग्रह गरेको थियो ।
